امریکا کی ریاست ایری زونا میں ایئر پورٹ پر فضا میں دو چھوٹے طیارے ٹکرا گئے۔
امریکی میڈیا کے مطابق فضا میں دو چھوٹے طیارے ٹکرانے کے نتیجے میں دوافراد کی موت ہوگئی۔
دونوں چھوٹے طیارے ایک انجن پر مشتمل تھے اور اس میں دوہی افراد سوار تھے ۔ مرنے والوں کی شناخت فوری طور پر سامنے نہیں آسکی ۔ حکام نے حادثے کی تحقیقات شروع کر دی ہیں۔
واضح رہے کہ 11 فروری کو بھی ریاست ایریزونا میں لینڈنگ کے دوران نجی طیارہ رن وے سے پھسل گیا۔ لیئر جیٹ طیارہ رن وے سے اتر کر پارک کیے گئے گلف اسٹریم طیارے سے ٹکرا گیا۔ حادثے میں ایک شخص ہلاک اور 4 زخمی ہوگئے تھے۔
یاد رہے کہ رواں ماہ امریکی ریاست پینسلوینیا کے شہر فلاڈیلفیا میں ایک چھوٹا طیارہ گرکر تباہ ہو گیا تھا، جس کے نتیجے میں 7 افراد ہلاک ہوئے تھے۔
اس سے قبل واشنگٹن میں مسافر جہاز اور ہیلی کاپٹر ٹکرانے کا واقعہ پیش آیا تھا جس میں 67 افراد ہلاک ہوئے تھے۔
