بلوچستان کی مختلف یو نیورسٹیوں کے طلباء نے ہیڈکوارٹرز ایف سی بلوچستان (نارتھ) کا دورہ کیا جہاں طلبہ نے آئی جی ایف سی میجر جنرل عابد مظہر سے ملاقات کی۔
بلوچستان کی مختلف یو نیورسٹیوں کے طلباء نے ہیڈکوارٹرز ایف سی آمد پر طلبہ نے یادگارِ شہداء پر حاضری دی اور خراجِ عقیدت پیش کیا۔
تعلیمی وفد کو ایف سی کی بارڈر مینجمنٹ، انسدادِ دہشت گردی، انسدادِ اسمگلنگ، منشیات کے خلاف کارروائیوں اور بلوچستان میں جاری فلاحی منصوبوں پر تفصیلی بریفنگ دی گئی۔طلباء نے مختلف سوالات کیے، جن کے جوابات آئی جی ایف سی (نارتھ) میجر جنرل عابد مظہر نے تفصیل سے دیے۔
میجر جنرل عابد مظہر نے بلوچستان کے نوجوانوں کو صوبے اور ملک کے مستقبل کا معمار قرار دیتے ہوئے انہیں ملکی ترقی میں اپنا کردار ادا کرنے کی تلقین کی۔
طلباء نے کہا کہ دورہ ہمارے لیے انتہائی معلوماتی تھا، ہمیں معلوم ہوا کہ ایف سی بلوچستان میں سیکیورٹی کے علاوہ بھی کئی ترقیاتی منصوبے چلا رہی ہے۔ ہمارے ذہنوں میں جو خدشات تھے، وہ آج دور ہو گئے۔
