وزیر پیٹرولیم مصدق ملک کا کہنا ہے کہ پاکستان میں شیل گیس کے ذخائر موجود ہیں۔
اسلام آباد میں تقریب سے خطاب میں مصدق ملک نے کہا کہ پاکستان میں شیل گیس کے ذخائر موجود ہیں۔ ٹائٹ گیس کی پالیسی تیارکرلی ۔آن شور اورآف شور پر بھی مراعات دیں گے ۔
وزیر پیٹرولیم نے کہا کہ توانائی کی مقامی پیداوار پر توجہ مرکوز ہے ۔ عوام کو سستی انرجی کی فراہمی اولین ترجیح ہے، آف شور میں 40سال بعد 40 بلاکس آکشن کیے ہیں، انرجی سیکٹر میں 3 شعبوں پر کام کررہے ہیں۔
انہوں نے مزید کہا کہ آئل سیکٹر کو جدید ٹیکنالوجی پر شفٹ کرنا ہوگا، اعتماد پیدا کریں کہ ہم ایک قوم ہیں، لڑائی جھگڑے کے بجائے ترقی پر توجہ ہونی چاہیے، غریب کے لیے توانائی کی قیمت کم کرنا اس وقت ہمارا فوکس ہے۔
مصدق ملک کا یہ بھی کہنا ہے کہ ماحول پر توانائی کے اثرات کے لیے بھی کام کر رہے ہیں، توانائی کے مقامی وسائل کو بروئے کار لا رہے ہیں، الیکٹریفیکیشن پر اس وقت بہت کام کر رہے ہیں، سرکار کو کاروبار سے نکلنا ہوگا، سرکار کے کام کرنے کا طریقہ بدلنا ہوگا۔
