پاکستان تحریک انصاف (پی ٹی آئی) کی سیاسی کمیٹی نے شعیب شاہین پر فواد چودھری کے حملے کی شدید مذمت کی، جس پر فواد چودھری نے جوابی وار کرتے ہوئے سیاسی کمیٹی کو "دو ٹکے کی کمیٹی" قرار دے دیا۔
سابق وفاقی وزیر و رہنما پاکستان تحریک انصاف (پی ٹی آئی)فوادچودھری نےکہا کہ یہ وہی سیاسی کمیٹی ہے جو بانی پی ٹی آئی سے جیل میں کیے جانے والے سلوک پر خاموش رہی ہے۔ اس کمیٹی میں شامل اکثریت ایسے لوگوں پر مشتمل ہے جو ایک دن کے لیے بھی جیل نہیں گئے اور جن پر کوئی مقدمہ درج نہیں ہوا۔
سابق وفاقی وزیر نے مزید کہا کہ سیاسی کمیٹی کے لوگ کروڑوں روپے کی فنڈنگ کھا گئے اور بانی پی ٹی آئی اور کارکنوں کے نام پر ملنے والی رقوم کا حساب نہیں دے رہے ان کی "اوقات دو ٹکے کی بھی نہیں" اور ان سے فنڈنگ کا حساب لینا انتہائی ضروری ہے۔
