گوادر میں بک فیئر 2025 کا شاندار افتتاح آر سی ڈی کونسل میں کر دیا گیا جس میں نامور علمی، ادبی اور سماجی شخصیات نے شرکت کی۔
مقررین نے زور دیا کہ یہ کتاب میلہ نوجوانوں میں کتب بینی کے فروغ اور فکری ترقی کے لیے ایک سنگ میل ثابت ہوگا۔
تقریب کے دوران معروف نوجوان لوک گلوکار یونس اور دیدگ بلوچ نے سکول کے بچوں کے ہمراہ اپنی فنی صلاحیتوں کا شاندار مظاہرہ کیا جسے حاضرین نے بے حد سراہا۔
بعد ازاں ربن کاٹنے کی رسمی تقریب کے ساتھ کتابوں کے سٹالز کا افتتاح کیا گیا جہاں مختلف موضوعات پر کتابوں کی وسیع رینج نے قارئین اور زائرین کی بھرپور توجہ حاصل کی۔
گوادر بک فیئر اتوار تک جاری رہے گا جس میں مختلف ادبی و فکری نشستیں اور دیگر سرگرمیاں بھی منعقد کی جائیں گی۔
