امریکا میں ٹک ٹاک مکمل طور پر بحال کردی گئیں، پلے اسٹور اور ایپ اسٹور سے صارفین ایپلیکیشن ڈاؤن لوڈ کرسکیں گے۔
غیرملکی خبر ایجنسی کے مطابق امریکا میں ایپ اسٹورز پر ٹک ٹاک بحال کردی گئی، صارفین کیلئے ایپ اسٹورز پر موبائل ایپلیکیشن ڈاؤن لوڈ کیلئے دستیاب ہے۔
رپورٹ کے مطابق گوگل اور ایپل کو ٹک ٹاک بحال کرنے پر جرمانہ نہ ہونے کی یقین دہانی کرائی گئی، جس کے بعد کمپنیز نے اپنے ایپ اسٹورز پر ٹک ٹاک بحال کی۔
نومنتخب امریکی صدر ڈونلڈ ٹرمپ نے ٹک ٹاک پر پابندی کو 5 اپریل تک مؤخر کیا تھا۔
واضح رہے کہ 2024ء میں چینی موبائل ایپلیکیشن ٹک ٹاک امریکا میں دوسری سب سے زیادہ ڈاؤن لوڈ کی جانیوالی ایپ تھی۔
