بلوچستان میں طلبہ و طالبات اور ملازمت پیشہ خواتین کیلئے اسکوٹیز اسکیم متعارف کرانے کا فیصلہ کیا گیا ہے۔ سرفراز بگٹی کا کہنا ہے کہ اسکیم کے تحت سبسڈی پر اسکوٹیز کی فراہمی سے طلبا و طالبات اور ملازمت پیشہ خواتین کو سفری سہولت میسر آئے گی۔
وزیراعلیٰ بلوچستان میر سرفراز بگٹی کی زیر صدارت اجلاس میں اسکیم کو قابل عمل بنانے کیلئے کمیٹی قائم کردی گئی ہے۔ اجلاس میں فیصلہ کیا گیا ہے کہ طالبات کو پنک اسکوٹیز اور طلباء کو الیکٹرانک بائیکس فراہم کی جائیں گی، اس کیلئے اسٹیٹ بینک آف پاکستان کی مشاورت و معاونت سے بینک فنانسنگ کی جائے گی۔
وزیراعلیٰ بلوچستان نے ہدایت کی ہے کہ اسکوٹیز اسکیم کو آسان شرائط پر عام آدمی کیلئے بھی اوپن کیا جائے۔
میر سرفراز بگٹی نے کہا ہے کہ اسکیم کے تحت سبسڈی پر اسکوٹیز کی فراہمی سے طلبا و طالبات اور ملازمت پیشہ خواتین کو سفری سہولت میسر آئے گی۔
ان کا کہنا ہے کہ عالمی یوم خواتین کے موقع پر پنک اسکوٹیز اسکیم متعارف کرانے اور خواتین کو بااختیار بنانے کے عزم کا اعادہ کرتے ہیں۔
