ایف آئی اے میں 2019 سے بھرتی افسران کی چھان بین کا فیصلہ کیا گیا ہے۔
گزشتہ چھ سال میں بھرتی ہونے والےافسران اور اہلکاروں کی تعلیمی اسنادچیک کی جائیں گی،ایف آئی اے کےڈائریکٹر ایچ آرکی سربراہی میں ویری فکیشن سیل قائم کردیاگیا،ایف آئی اے کےایڈیشنل ڈی جی اور ڈائریکٹرز کو مراسلہ بھی ارسال کر دیا گیا ۔
ایف آئی اے ہیڈکورٹرز کےمراسلےمیں کہا گیا ہےکہ 2019 یا اس کے بعد بھرتی ہوئے افسران اور اہلکاروں کے کوائف، تعلیمی اسناد اور کریکٹر سرٹیفکیٹ بھجوائےجائیں، 6 سال میں بھرتی ہونے والے تمام افسران اور اہلکاروں کو 3 ماہ میں دستاویزات جمع کرانے کی ہدایت کردی گئی۔
مراسلے میں کہا گیا کہ تمام سرٹیفکیٹ متعلقہ یونیورسٹی اور ایچ ای سی جبکہ ڈومیسائل متعلقہ اضلاع کی انتظامیہ سے تصدیق شدہ ہونے چاہئیں۔
