وزارت قانون وانصاف نےسپریم کورٹ میں سات ججزکی تعیناتی کا نوٹیفکیشن جاری کردیا۔
وزارت قانون وانصاف کی جانب سے جاری کردہ نوٹی فکیشن کے مطابق ججز میں جسٹس ہاشم خان کاکڑ، جسٹس شفیع صدیقی، جسٹس صلاح الدین پنہور، جسٹس شکیل احمد، جسٹس عامر فاروق اور جسٹس اشتیاق ابراہیم شامل ہیں، جسٹس میاں گل حسن اورنگزیب کا قائم مقام جج سپریم کورٹ کا نوٹی فکیشن جاری کیا گیا ہے۔
جاری کردہ نوٹی فکیشن کے مطابق جسٹس عتیق شاہ پشاور ہائی کورٹ کے قائم مقام چیف جسٹس تعینات کئے گئے ہیں جبکہ جسٹس جنیدغفار قائم مقام چیف جسٹس سندھ ہائی کورٹ تعینات ہوئے ہیں جسٹس سرفراز ڈوگر کی قائم مقام چیف جسٹس اسلام آبادہائی کورٹ میں تقرری کی گئی ہے۔
وزارت قانون وانصاف کی جانب سے جاری کردہ نوٹی فکیشن کے مطابق جسٹس جنید غفار اور جسٹس سرفراز ڈوگر مستقل چیف جسٹس صاحبان کی تعیناتی تک فرائض سرانجام دیں گے۔
