دفاع وطن میں جانیں قربان کرنے کی داستانیں مسلح افواج کی شاندار تاریخ کا حصہ ہے۔ انہی میں سے ایک داستان نائیک محمدصدیق شہید کی بھی ہے ۔
نائیک محمد صدیق نے نو نومبر 2024 کو بلوچستان میں جام شہادت نوش کیا ۔ ان کا تعلق اوچ شریف سے تھا ۔ نائیک محمد صدیق شہید کے سوگواران میں والدین ۔ بیوہ ۔ ایک بیٹا اور دو بیٹیاں شامل ہیں۔
شہید کے والدین کہتے ہیں بیٹا شہید تو ہوا ہے لیکن ہمارا سر فخر سے بلند کر دیا ۔ شہید کی بیوہ نے کہا دہشت گرد کبھی ہمارے حوصلے پست نہیں کر سکتے ۔
شہید کے بھائی کہتے ہیں کہ نائیک محمد صدیق نے آخری بار کال پر بھی شہید ہونے کی دعا کرنے کا کہا۔ پاک فوج کے بہادر سپوت نے اپنی جان کا نذرانہ پیش کر کے وطن کی سالمیت کو برقرار رکھا، ان کی قربانی ہم سب کے لیے باعثِ فخر ہے ۔
