اداکارہ ماورا حسین اور اداکار امیر گیلانی کی شادی کی تقریبات میں ڈانس ویڈیوز کے بعد ان کی رخصتی کی ویڈیو بھی وائرل ہوگئی۔
ماورا حسین اور امیر گیلانی نے 5 فروری کو نکاح کی تصاویر شیئر کرتے ہوئے رشتہ ازدواج میں منسلک ہونے کی تصدیق کی تھی۔
اداکار جوڑے کی جانب سے شادی کی تصدیق کے بعد ان کی شادی کی تقریبات کی ویڈیوز اور تصاویر وائرل ہوئیں تھیں، جس میں قریبی عزیز و اقارب نے شرکت کی تھی۔
ماورا حسین کی رخصتی کی ویڈیو بھی وائرل ہو رہی ہے، جس میں رخصتی کے وقت وہ اپنی بہن اداکارہ عروہ حسین اور بھائی سے مل کر روتے ہوئے پیا گھر جانے کی اجازت لیتی دکھائی دیتی ہیں۔
View this post on Instagram
رخصتی کی ویڈیو میں اداکارہ کے دیگر اہلخانہ بھی دکھائی دیتے ہیں جبکہ دولہا کے رشتے دار اس موقع پر خوش نظر آتے ہیں۔
اس سے قبل دونوں کی شادی کی تقریبات میں گلوکار فرحان سعید اور ان کی اہلیہ عروہ حسین نے بھی پرفارمنس دی اور ان کی پرفارمنس کی ویڈیوز بھی وائرل ہوئیں۔
شادی کی تقریبات کے دوران ماورا حسین اور امیر گیلانی نے بھی مختلف گانوں پر رقص کرکے اپنی خوشیوں کو یادگار بنایا۔
ماورا حسین اور امیر گیلانی کی شادی کی مزید ویڈیوز اور تصاویر وائرل ہو رہی ہیں، جن میں دولہا اور دلہن سمیت ان کے قریبی رشتے داروں کو پشتو گانوں پر ڈانس کرتے دیکھا جاسکتا ہے۔
View this post on Instagram
میڈیا رپورٹس کے مطابق دونوں کی شادی کی بعض تقریبات روایتی پشتون انداز میں بھی منعقد ہوئیں، کیوں کہ دلہا امیر گیلانی پشتون خاندان سے تعلق رکھتے ہیں۔
دونوں کی شادی کی تقریبات لاہور اور اسلام آباد میں منعقد کی گئیں، جن میں دولہا اور دلہن کے قریبی رشتے داروں اور دوستوں نے شرکت کی۔
امیر گیلانی اور ماورا حسین کی شادی کی تقریبات میں زیادہ تر شوبز شخصیات کی شرکت کی ویڈیوز اور تصاویر سامنے نہیں آئیں۔
