ایس آئی ایف سی اور حکومتی پالیسیوں کی بدولت غذائی اجناس کی برآمدات میں اضافہ ہوگیا، رواں سال برآمدات 3.96 ارب ڈالر تک پہنچ گئیں۔
زرعی معیشت کی پائیداری کی طرف ایک مثبت قدم، غذائی اجناس کی برآمدات میں اضافہ ہوگیا۔
رپورٹ کے مطابق پاکستان کی غذائی شعبے کی مجموعی برآمدات موجودہ مالی سال 2025ء میں 13.8 فیصد بڑھ کر 3.96 ارب ڈالر تک پہنچ گئیں۔
پاکستان کے غذائی شعبے کا عالمی سطح پر پھیلاؤ، چاول کی برآمدات میں یورپ، برطانیہ اور اب بنگلہ دیش جیسی نئی منڈیاں متعارف ہوگئیں۔
ادارہ شماریات کے مطابق مالی سال 2025ء کی پہلی ششماہی میں چاول کی برآمدات سال بہ سال 14.50 فیصد بڑھ کر 1.87 بلین ڈالر تک پہنچ گئیں، باسمتی چاول کی برآمدات میں 30.62 فیصد کا اضافہ، جس سے 433.82 ملین ڈالر کی مجموعی رقم حاصل ہوئی، غیر باسمتی چاول کی برآمدات کی مالیت 13.47 فیصد بڑھ کر 1.44 ارب ڈالر تک پہنچ گئیں۔
رپورٹ کے مطابق چینی کی برآمدات مالی سال 2025ء کی پہلی ششماہی میں 632,804 ٹن تک پہنچ گئی جو پچھلے سال 33,101 ٹن تھی، مالی سال 2025 کی پہلی ششماہی میں گوشت کی برآمدات میں 3.64 فیصد کا شاندار اضافہ ریکارڈ کیا گیا جبکہ سبزیوں میں خاص طور پر پیاز کی برآمدات میں 1.71 فیصد کا نمایاں اضافہ ہوا۔
ایس آئی ایف سی کی ترجیح زرعی شعبے کو بہتر بناکر غذائی مصنوعات کی برآمدات کو عالمی سطح پر بڑھانا ہے۔
