انٹربینک مارکیٹ میں ڈالر کے مقابلے روپے کی قدر میں 0.07 فیصد کا اضافہ ریکارڈ کیا گیا۔
کرنسی ڈیلرز کے مطابق بدھ کو تبادلہ مارکیٹ میں امریکی ڈالر کے مقابلے میں روپیہ 20 پیسے کی بہتری سے 278.73 روپے پر جاپہنچا۔ اسٹیٹ بینک کے مطابق منگل کو روپیہ 278.93 پر بند ہوا تھا۔
مقامی مارکیٹ کے برعکس بین الاقوامی سطح پر ڈالر مستحکم رہا کیونکہ تاجروں نے جاپانی ین جیسے محفوظ پناہ گاہ والی کرنسیوں سے پیچھے ہٹ کر امریکی ڈالر میں سرمایہ کاری کی جبکہ ڈونلڈ ٹرمپ انتظامیہ کی طرف سے نئے ٹیرف وارننگز نے بھی اس کی حمایت کی ۔
دوسری جانب اسٹاک مارکیٹ میں مندی کا رجحان برقرار ہے۔ پاکستان اسٹاک ایکسچنج ایک لاکھ 12 ہزار پوائنٹس کی حد برقرار نہ رکھ سکی۔ ہنڈریڈ انڈیکس 200 پوائنٹس کمی کے بعد ایک لاکھ 11 ہزارا 800 پوائنٹس پرآگیا۔
