پاکستان اور ویسٹ انڈیز کے درمیان ملتان میں کھیلے جارہے دوسرے ٹیسٹ میں اسپنر نعمان علی نے بڑا اعزاز اپنے نام کرلیا۔
ملتان ٹیسٹ کے پہلی ہی دن ویسٹ انڈین ٹیم پہلی اننگز میں 163 رنز جبکہ پاکستان ٹیم 154 رنز پر آؤٹ ہوگئی۔
ملتان ٹیسٹ میں اسپنر نعمان علی نے اننگز شروع ہوتے ہی ویسٹ انڈیز کے بیٹرز کو قابو کرلیا اور لگاتار 3 وکٹیں حاصل کرکے ہیٹ ٹرک کرلی، جس کے بعد وہ پاکستان کی جانب سے ٹیسٹ میں ہیٹ ٹرک کرنیوالے پہلے اسپنر بن گئے ہیں۔
ویسٹ انڈیز کیخلاف 12 ویں اوور کی پہلی، دوسری اور تیسری گیند پر نعمان علی نے مہمان ٹیم کے جسٹس گریوز، ٹیون املاک اور کیون سنکلیئر کو پویلین بھیج کر یہ اعزاز اپنے نام کیا۔
قومی اسپنر نعمان علی نے ملتان ٹیسٹ کی پہلی اننگز میں 6 وکٹیں اپنے نام کیں، ساجد علی نے 2، کاشف علی اور ابرار احمد نے ایک ایک شکار کیا۔
یاد رہے کہ ٹیسٹ کرکٹ میں پاکستان کی جانب سے ہیٹ ٹرک کرنے والوں میں وسیم اکرم نے دو بار، عبد الرزاق، محمد سمیع اور نسیم شاہ نے ایک بار یہ کارنامہ انجام دیا ہے۔
