الاخدمت فاؤنڈیشن کے یتیم بچوں نے ہیڈکوارٹر دیر سکاؤٹس میں فرنٹیئر کورنارتھ کے جوانوں اور افسروں ساتھ ایک دن گذارا۔
بچوں نے یادگار شہداء پر حاضری دی،پھول رکھے اورشہداء کے بلند درجات کے لئےدعا کی،اس موقع پر ایف سی کے جوانوں کے چاک و چوبند دستے نے مہمان بچوں کو سلامی پیش کی۔
بچوں کے لیےہتھیاروں کی نمائش کا اہتمام بھی کیا گیا جس میں ایف سی نارتھ کے زیراستعمال ہتھیاروں اور تکنیکی الات کے بارے میں بریفنگ دی گئی،بچوں نے ہتھیاروں اور تکنیکی آلات میں خصوصی دلچسپی ظاہرکی۔
دورہ کے اہتمام کرنے پر بچوں نے فرنٹیئر کورنارتھ اوردیر سکاؤٹس کے اعلی حکام کا شکریہ ادا کیا اوراس بات کی خواہش کا اظہار کیا کہ مستقبل میں بھی ایسے دوروں کا اہتمام جاری رکھا جائے۔
