عورت مارچ کی نواز شریف کے خواتین سے متعلق بیان پر تنقید، عورت دشمنی کے غار سے باہر نکلنے کا مشورہ دیدیا ۔
عورت مارچ کراچی چیپٹر نے سابق وزیراعظم کے بیان پر اظہار برہمی کرتے ہوئے کہاکہ نوازشریف نے سیاسی مخالفت میں خواتین کی سیاسی سرگرمیوں پر سستی جگت کی۔ ناچ گانے کا شوق رکھنے سے کردار پر سوال اٹھانا گھٹیا حرکت ہے ۔
انہوں نےمزید کہا کہ ان کو سیکھنا ہوگا کہ اچھی اور بری عورت میں تقسیم کرنا پتھروں کے زمانے کا طریقہ کار ہے۔نوازشریف اپنے خیالات کو سورج کی روشنی دکھائیں۔
نواز شریف نے جلسے میں کہا تھا کہ دیکھیں ہماری بہنیں کتنی آرام سے جلسہ سن رہی ہیں، کوئی ڈھول کی تھاپ پر ناچ گانا نہیں ہورہا، میری بات سمجھ گئے یا نہیں سمجھے؟‘
