قومی ایئرلائن (پی آئی اے) کا مالی بحران تاحال برقرار ہے۔ آج بھی ملک بھرسے 25 پروازیں منسوخ کردی گئی۔
تفصیلات کے مطابق فیول ایڈجسٹمنٹ پلان کے تحت آج کراچی ایئرپورٹ سے اندرون و بیرون ملک کی صرف 5 پروازوں کی آمدورفت ہوگی۔ اسلام آباد سے جدہ جانے اور آنے والی 2 پروازیں منسوخ کردی گئی۔
کراچی سے اسلام آباد، کوئٹہ، بہاولپور، لاہور، گوادر اور ملتان کی تقریباً 25 پروازیں ایندھن کی عدم فراہمی پر منسوخ کر دی گئی ہیں۔ قومی ائیر لائن کا فلائٹ آپریشن شدید متاثر ہے جس کے باعث مسافروں کو پریشانی کا سامنا ہے۔
ذرائع کے مطابق پاکستان اسٹیٹ آئل (پی ایس او) سے ایندھن کی فراہمی میں بھی کمی کر دی گئی ہے جس سے قومی ائیرلائن کی متعدد پروازیں منسوخ ہوگئی ہیں۔
