ملک بھر میں سیکیورٹی فورسز کے انسداد منشیات آپریشن جاری ہیں، ستمبر 2023ء سے اب تک ملک بھر سے 1073 میٹرک ٹن منشیات ضبط کرکے 2 ہزار 464 منشیات فروشوں کو گرفتار کرلیا گیا۔
ملک کو منشیات سے مکمل پاک کرنے کیلئے حکومتی اداروں کی کارروائیاں جاری ہیں، ستمبر 2023ء سے اب تک ملک بھر سے 1073.039 میٹرک ٹن منشیات ضبط کی گئی جبکہ قانون نافذ کرنے والے اداروں نے 2464 منشیات فروشوں کو گرفتار کرلیا۔
رپورٹ کے مطابق ستمبر 2023 سے اب تک ملک بھر سے 5.261 میٹرک ٹن ہیروئن جبکہ 65.225 میٹرک ٹن حشیش ضبط کی گئی، 5.459 میٹرک ٹن میتھ، 10.739 میٹرک ٹن افیون اور 986.355 میٹرک ٹن دیگر منشیات ضبط کی گئی۔
رپورٹ میں بتایا گیا ہے کہ گزشتہ ہفتے کے دوران ملک بھر سے 978.730 کلو منشیات ضبط جبکہ 42 منشیات فروش گرفتار کئے گئے، 289.694 کلو ہیروئن، 328.250 کلو حشیش جبکہ 54.952 کلو میتھ ضبط کی گئی۔
رپورٹ کے مطابق گزشتہ ہفتے کے دوران 141.300 کلو افیون اور 164.534 کلو دیگر منشیات بھی قبضے میں لی گئی۔
