لندن میں سارہ شریف کے قتل کے جرم میں قید والد جیل میں حملے میں شدید زخمی ہوگئے۔
برطانوی میڈیا کے مطابق عرفان شریف پر تیز دھار کین کے ڈھکن سے حملہ کیا گیا ۔ سیکیورٹی گارڈ نے ملزم کو قیدیوں سے بچایا۔
رپورٹ کے مطابق دو افراد نے منصوبہ کے تحت عرفان شریف پر حملہ کیا۔ عرفان شریف پر کین سے بنائے گئے ہتھیار سے حملہ کیا گیا۔
عرفان شریف کی گردن اور چہرے پر شدید چوٹیں آئیں، سارہ شریف کے والد حملے میں محفوظ رہے، لیکن وہ شدید نگہداشت میں ہیں۔
خیال رہے کہ عرفان شریف کو گزشتہ ہفتے سارہ شریف قتل کیس میں 40 سال سزا سنائی گئی تھی۔ برطانوی عدالت نے عرفان شریف کو کم از کم 40 سال جبکہ سارہ شریف کی سوتیلی ماں بینش بتول کو کم از کم 33 سال قید کی سزا سنائی۔
