بورڈر گواسکر ٹرافی سیریز کے پانچویں اور آخری ٹیسٹ کی پلئینگ الیون سے آل راؤنڈر مچل مارش باہر ہوگئے ہیں۔
کپتان پیٹ کمنز نے آخری ٹیسٹ کی پلئینگ الیون کی تصدیق کردی،مچل مارش کی جگہ آل راؤنڈر بیو ویبسٹر انڈیا کے خلاف سڈنی ٹیسٹ میں ڈیبیو کریں گے۔
بیو ویبسٹر ٹیسٹ ڈیبیو کرنے والے آسٹریلیا کے 469 ویں کھلاڑی ہیں۔ آخری ٹیسٹ سےڈراپ کیے گئے میچل مارش نے سیریز میں 10.42 کی اوسط سے 73 رنز بنائے۔
دوسری جانب فاسٹ بولر مچل اسٹارک پسلیوں میں تکلیف کے باجود نیو ایئر ٹیسٹ کھیلیں گے۔ کپتان پیٹ کمنزکا کہنا ہے کہ مچل اسٹارک نے کبھی بھی یہ ٹیسٹ میچ مس نہیں کرنا تھا۔
پانچ ٹیسٹ میچز کی سیریز میں آسٹریلیا کو دو ایک سے برتری حاصل ہے،سیریزکا آخری میچ کل سے سڈنی میں کھیلا جائے گا۔
