مختلف شہروں میں دھند کے باعث ٹریفک حادثات میں درجنوں افراد زخمی ہوگئے۔
ڈیرہ اسماعیل خان اور گرد و نواح میں شدید دھند کے باعث ملتان روڈ پرمختلف گاڑیاں آپس میں ٹکراگئی۔ حادثے میں 25 افراد زخمی ہوئے جن میں 4 کی حالت تشویشناک ہے۔
لیاقت پور میں مسافر بس گنے سے لوڈ ٹریکٹرٹرالی سے جاٹکرائی جس کے نتیجے میں دومسافر زخمی ہوئے جنہیں اسپتال منتقل کردیا گیا۔
نوشہرہ ورکاں میں مسافربس سڑک کنارے کھڑے ٹرک سے ٹکراگئی۔ بس ڈرائیور زخمی ہوا۔ اوباڑو کموں شہید کےقریب سکھرایکسپریس پردھند کےباعث بس الٹ گئی جس میں متعدد مسافر زخمی ہوئے۔
سمندری اڈہ سلونی جھال کےقریب دھند کے باعث مسافروین حادثہ کا شکار ہوئی۔ حادثہ میں 7مسافر زخمی ہوئے۔ سمندری اڈہ سلونی جھال کےقریب دوسرے حادثے میں کارگن ےسے لوڈ ٹرالی سےٹکرا گئی۔ پولیس اے ایس آئی اور شہری زخمی ہوئے۔
بہاولپور میں بارات لے کرجانے والی مسافر کوسٹر ہائی وے پرالٹ گئی۔ کوسٹر الٹنے سے3 افراد زخمی ہوئے۔
