توشہ خانہ 2 کیس میں بانی پی ٹی آئی کو بطور وزیراعظم ملنے والے 108 تحائف کی فہرست پیش عدالت میں پیش کر دی گئی۔
پیر کے روز اڈیالہ جیل راولپنڈی میں بانی پی ٹی آئی اور بشریٰ بی بی کے خلاف توشہ خانہ 2 کیس کی سماعت ہوئی جس کے دوران ملزمان عدالت میں پیش ہوئے اور حاضری لگوائی۔
دوران سماعت کابینہ ڈویژن کے سیکشن افسر بنیامن نے بیان ریکارڈ کرایا اور 100 صحفات پر مشتمل ریکارڈ بھی عدالت میں پیش کیا جبکہ توشہ خانہ تحائف کے ریکارڈ سے متعلق 2 رجسٹر بھی پیش کیے۔
بشریٰ بی بی کے وکیل ارشد تبریز نے گواہ پر جزوی جرح کی اور آئندہ سماعت پر اپنی جرح مکمل کریں گے جبکہ بانی پی ٹی آئی کے وکیل سلمان صفدر بھی آئندہ سماعت پر جرح کریں گے۔
بعدازاں، اسپیشل جج سینٹرل شاہ رخ ارجمند نے سماعت 2 جنوری تک ملتوی کر دی۔
کیس میں مجموعی طور پر 3 گواہان کی شہادت قلمبند کی جا چکی ہے۔
