میلبرن میں کھیلے گئے چوتھے ٹیسٹ میچ میں آسٹریلیا نے بھارت کو 184رنزسے شکست دے دی۔
آسٹریلیا کی جانب سے دیے 340 رنز کے ہدف میں بھارتی ٹیم 155 پر آل آؤٹ ہوگئی۔ بھارتی ٹیم کے 9 کھلاڑی ڈبل فگر میں بھی داخل نہ ہوسکے، بھارتی کپتان روہت شرما 9 اور ویرات کوہلی 5 رنز ہی بنا سکے۔ آسٹریلیا کی جانب سے کپتان پیٹ کمنز اور اسکاٹ بولینڈ نے 3، 3 وکٹیں حاصل کیں۔
چوتھے ٹیسٹ کی پہلی اننگز میں آسٹریلیا نے 474 رنز بنائے تھے جبکہ بھارتی ٹیم 369 رنز بنا کر آؤٹ ہو گئی تھی، میزبان ٹیم نے 105 رنز کی برتری حاصل کر لی تھی۔
آسٹریلیا کی ٹیم دوسری اننگز میں 234 رنز بنا سکی تھی اور بھارت کو جیت کے لیے 340 رنز کا ہدف دیا تھا۔
واضح رہے کہ آسٹریلیا اور بھارت کے درمیان 5 ٹیسٹ میچز کی آسٹریلیا نے 2 اور بھارت نے ایک میچ جیتا ہے جبکہ ایک میچ ڈرا ہو ہے۔
