اے این ایف کی ملک بھر میں منشیات اسمگلنگ کےخلاف کارروائیاں جاری ہیں،مختلف شہروں میں آٹھ کامیاب کارروائیوں کےدوران پانچ ملزمان گرفتاراورایک کروڑ اکسٹھ لاکھ روپے سےزائد مالیت کی منشیات برآمد کر لی گئی
اے این ایف نےمنشیات اسمگلنگ کےخلاف مختلف شہروں میں آٹھ اہم کارروائیاں کی ہیں،فیصل آباد انٹرنیشنل ایئرپورٹ پربحرین جانے والے مسافر کے بیگ سے چارسواٹھانوے گرام ہیروئن برآمد کی گئی۔
بلوچستان کےضلع پشین کے پہاڑی علاقے سرانان سے ایک ہزارچارسوباون کلو چرس برآمد کی گئی۔مغربی بائی پاس کوئٹہ پرخیزی چوک کےقریب ایک گاڑی سےبیس کلوچرس برآمد ہوئی،جبکہ ملزم کو موقع پر گرفتارکرلیا گیا،رنگ روڈ پشاور کے قریب ایک ملزم کے بیگ میں چھپائی گئی سولر پمپس میں سے چارکلو سے زائدچرس برآمد ہوئی۔
لاہور میں کارگو آفس میں اسلام آبادسےکراچی بھیجے گئے پارسل سےاکسٹھ گرام کوکین برآمد کی گئی۔ اسی طرح لاہور کےکوریئر آفس میں دو علیحدہ کارروائیوں کے دوران پارسلز سے پانچ سو پچیس گرام اور چھ سو پچیس عدد نشہ آور ایکسٹیسی گولیاں برآمد کی گئیں۔
ترجمان کےمطابق یہ پارسلزلکی مروت سےبہاولپور اورلاہوربھیجے جانے تھے۔ اسلام آباد میں ٹیپو سلطان روڈ کے قریب دو موٹرسائیکل سواروں کے قبضے سے چھ سو دس گرام چرس برآمدکی گئی۔گرفتارملزمان کے خلاف انسداد منشیات ایکٹ کے تحت مقدمات درج کر کے تحقیقات کا آغاز کر دیا گیا ہے۔
