بیرون ملک مقیم پاکستانیوں کی بھیجی جانیوالی ترسیلات زر 2024ء میں 31 فیصد بڑھ گئیں۔
رپورٹ کے مطابق سمندر پار پاکستانیوں نے جنوری سے نومبر 2024ء تک 28 ارب 37 کروڑ ڈالر پاکستان بھیجے۔
رپورٹ میں بتایا گیا ہے کہ سعودی عرب میں مقیم پاکستانیوں نے سب سے زیادہ یعنی 7 ارب 29 کروڑ ڈالر کی رقم پاکستان بھیجی جو پچھلے سال اسی عرصے سے 38.7 فیصد زیادہ ہے۔
متحدہ عرب امارات میں مقیم پاکستانیوں نے سال کے پہلے 11 ماہ میں 6 ارب 15 کروڑ ڈالر کی ترسیلات زر پاکستان بھیجیں جو پچھلے سال اسی عرصے سے 55 فیصد زائد ہیں جبکہ برطانیہ میں مقیم پاکستانیوں نے 4 ارب 71 کروڑ ڈالر بھیجے۔
رپورٹ میں بتایا گیا ہے کہ بیرون ملک مقیم پاکستانیوں نے یورپی یونین سے 3 ارب 61 کروڑ ڈالر اور امریکا سے 3 ارب 44 کروڑ ڈالر پاکستان بھیجے گئے۔
سعودی عرب اور امارات کے علاوہ دیگر خلیجی ملکوں سے 3 ارب 17 کروڑ ڈالر پاکستان بھیجے گئے۔
