کاروباری ہفتے کے پہلے روز بھی گزشتہ چند دن سے جاری ڈالر کی قدر میں کمی تسلسل برقرار رہا۔
کرنسی ڈیلرز کے مطابق آج کاروباری دن کے آغاز سے ہی انٹربینک میں ڈالر کی قدر می کمی کا سلسلہ جاری رہا۔ انٹر بینک میں ڈالر کی قدر میں ایک روپے 95 پیسے کی کمی ہوگئی، جس سے ڈالر 301 روپے پر آگیا۔
کرنسی ڈیلرز کے مطابق اوپن مارکیٹ میں اوپن مارکیٹ میں ڈالرکی قیمت انٹربینک سے بھی نیچے آگئی، انٹربینک کے زیر اثر اوپن مارکیت میں بھی ڈالر 2 روپے کمی کے بعد 300 روپے پر آگیا، یاد رہے کہ حالیہ دنوں میں اوپن مارکیٹ میں بھی ڈالر تقریباً 20 روپے سستا ہوچکا ہے۔
واضح رہے کہ ملک بھر میں روپے کے مقابلے میں امریکی کرنسی کی قدر میں کمی کا سلسلہ جاری ہے، کرنسی مارکیٹس میں ڈالر کی قیمت کا فرق انٹرنیشنل مانیٹری فنڈ ( آئی ایم ایف ) کی مقررہ حد سے نیچے آگیا۔
