آئی سی سی نے منگل، 24 دسمبر کو چیمپئنز ٹرافی 2025 کے میچز کے شیڈول اور گروپس کا اعلان کر دیا۔ ٹورنامنٹ کا آغاز 19 فروری کو کراچی میں ہوگا، جبکہ فائنل 9 مارچ کو کھیلا جائے گا۔
ٹورنامنٹ کی تفصیلات
آٹھ ٹیموں پر مشتمل اس ٹورنامنٹ میں 15 میچز کھیلے جائیں گے، جو پاکستان اور دبئی میں منعقد ہوں گے۔
پاکستان میں راولپنڈی، لاہور، اور کراچی تین میزبان شہروں کے طور پر منتخب کیے گئے ہیں، جہاں ہر وینیو پر تین گروپ میچز کھیلے جائیں گے۔ لاہور دوسرے سیمی فائنل کی میزبانی کرے گا اور فائنل بھی لاہور میں ہوگا، لیکن اگر بھارت فائنل کے لیے کوالیفائی کرتا ہے تو یہ دبئی میں کھیلا جائے گا۔
بھارت کے تین گروپ میچز اور پہلا سیمی فائنل دبئی میں کھیلے جائیں گے۔
ٹورنامنٹ کا آغاز 19 فروری کو کراچی میں پاکستان اور نیوزی لینڈ کے درمیان گروپ اے کے میچ سے ہوگا۔ دبئی میں میچز کا آغاز اگلے روز بھارت اور بنگلہ دیش کے درمیان مقابلے سے ہوگا۔
اہم میچز
22 فروری کو لاہور میں انگلینڈ اور آسٹریلیا کے درمیان میچ ہوگا، جبکہ 23 فروری کو دبئی میں پاکستان اور بھارت کے درمیان زبردست مقابلہ ہوگا۔
ٹیموں کے گروپس
گروپ اے: پاکستان، بھارت، نیوزی لینڈ، بنگلہ دیش
گروپ بی: جنوبی افریقہ، آسٹریلیا، افغانستان، انگلینڈ
چیمپئنز ٹرافی 2025 کا مکمل شیڈول
19 فروری: پاکستان بمقابلہ نیوزی لینڈ، کراچی
20 فروری: بنگلہ دیش بمقابلہ بھارت، دبئی
21 فروری: افغانستان بمقابلہ جنوبی افریقہ، کراچی
22 فروری: آسٹریلیا بمقابلہ انگلینڈ، لاہور
23 فروری: پاکستان بمقابلہ بھارت، دبئی
24 فروری: بنگلہ دیش بمقابلہ نیوزی لینڈ، راولپنڈی
25 فروری: آسٹریلیا بمقابلہ جنوبی افریقہ، راولپنڈی
26 فروری: افغانستان بمقابلہ انگلینڈ، لاہور
27 فروری: پاکستان بمقابلہ بنگلہ دیش، راولپنڈی
28 فروری: افغانستان بمقابلہ آسٹریلیا، لاہور
1 مارچ: جنوبی افریقہ بمقابلہ انگلینڈ، کراچی
2 مارچ: نیوزی لینڈ بمقابلہ بھارت، دبئی
4 مارچ: پہلا سیمی فائنل، دبئی
5 مارچ: دوسرا سیمی فائنل، لاہور
9 مارچ: فائنل، لاہور (بھارت کی کوالیفیکیشن کی صورت میں دبئی)
10 مارچ: ریزرو ڈے
تمام میچز ڈے نائٹ ہوں گے۔
