پاکستان کرکٹ بورڈ نے ٹی 20 ٹیم کو مضبوط بنانے کے لیے “اسٹرائیک فورس” تشکیل دینے کا فیصلہ کرلیا۔
پی سی بی ذرائع کے مطابق اسٹرائیک فورس میں 50 نوجوان ہارڈ ہٹنگ بیٹرز شامل کیے جائیں گے۔ کھلاڑیوں کا انتخاب سابق آل راؤنڈر عبدالرزاق کی قیادت میں ہوگا۔
ملک بھر سے میرٹ پر 50 باصلاحیت بیٹرز منتخب کیے جائیں گے، نوجوان کھلاڑیوں کو لمبے چھکے اور چوکے مارنے کی تربیت دی جائے گی۔
اسٹرائیک فورس کا مقصد ٹی 20 ٹیم کو نیا ٹیلنٹ فراہم کرنا ہے، ایک سال کے اندر نئے ٹیلنٹ کو تیار کرکے قومی ٹی 20 سکواڈ میں شامل کیا جائے گا۔
