پاکستانی ویمنز انڈر 19 ٹیم ٹی ٹوئنٹی ایشیا کپ کےلیے کپتان ضوفشاں ایاز کی قیادت میں ملائشیا پہنچ گئی۔
پاکستانی ٹیم ایمریٹس کی پرواز سے کراچی سے براستہ دئبی ملائشیا پہنچی، پاکستانی ٹیم کی پلیئرز آج آرام کریں گی اور کل پریکٹس کریں گی۔ ہیڈ کوچ محسن کمال کی نگرانی میں پریکٹس سیشن کا انعقاد ہو گا
،ویمنز انڈر 19 ٹی ٹوئنٹی ایشیا کپ 15 دسمبر سے 22 دسمبر تک ملائشیا کے شہر کوالالمپور میں کھیلا جائے گا، پاکستان، بھارت اور نیپال گروپ اے میں شامل ہے۔ گروپ بی سری لنکا، بنگلہ دیش اور ملائشیا پر مشتمل ہے۔
پاکستانی ٹیم کا پہلا جوڑ 15 دسمبر کو روایتی حریف بھارت سے پڑے گا، پاکستانی ٹیم دوسرا میچ 16 دسمبر کو نیپال کے خلاف کھیلے گی۔
