سربراہ جمعیت علماء اسلام مولانا فضل الرحمان نے مدارس رجسٹریشن بل پر تنازع کا ذمہ دار صدر آصف زرداری کو قرار دے دیا۔
ڈی آئی خان میں پریس کانفرنس کے دوران فضل الرحمان نے کہ ایوان صدر اور وزیراعظم ایک پیج پر نظر آرہے ہیں ۔ حکومت نے رویہ نہ بدلا تو عوام سے رجوع کریں گے۔ عدالت بھی جانا پڑا تو جائیں گے۔
مولانا فضل الرحمان کا کہنا تھا کہ ایکٹ بن چکا، نوٹیفکیشن جاری کیا جائے، جن کے اشاروں پرآپ نے محاذ کھڑا کیا وہی مسودے کے ذمہ دارہیں، ہمارا آپ سےکوئی جھگڑا نہیں،مجرم حکومت ہے۔ ہمارا آپ سے کوئی جھگڑا نہیں،مجرم حکومت ہے۔
انہوں نے کہا کہ جب آئینی ترمیم پر دستخط ہوگئے تو پھر اس بل پر کیوں دستخط نہیں کیے گئے۔ مدارس سے متعلق بل پر کراچی اور لاہور میں بھی مشاورت ہوئی۔ جبکہ کراچی میں آصف علی زرداری اور لاہور میں نواز شریف سے مشاورت ہوئی۔
مولانا فضل الرحمان نے کہا کہ مدارس کی رجسٹریشن سے متعلق بل دونوں ایوانوں سے پاس ہوا۔ اور جن کی مشاورت سے ڈرافٹ تیار کیا وہی آج سوالات اٹھا رہے ہیں۔ ہماری شکایت صرف ایوان صدر اور صدر مملکت سے ہے۔
