جنوبی افریقا نے پاکستان کیخلاف ٹی 20 سیریز کے لیے اسکواڈ کا اعلان کر دیا۔
پاکستان اور جنوبی افریقا کے درمیان 3 میچز پر مشتمل ٹی 20 سیریز کا آغاز 10 دسمبر سے ہوگا جس کے لئے پروٹیز کے اسکواڈ کا اعلان کر دیا گیا ہے۔
جنوبی افریقا کی ٹی 20 ٹیم کی قیادت ہینریچ کلاسن کریں گے جبکہ مارکو جینسن، کیشو مہاراج، کگیسو ربادا اور ٹرسٹن سٹبس اسکواڈ کا حصہ نہیں ہیں۔
کلاسن، ایڈن مارکرم کے سری لنکا کے خلاف سیریز میں مصروفیت کی وجہ سے کپتانی کریں گے۔
یاد رہے کہ دونوں ٹیموں کے درمیان ٹی ٹوئنٹی میچز 10 ، 13 اور 14 دسمبر کو کھیلے جائیں گے۔
قبل ازیں پاکستان کی جانب سے بھی اسکواڈ کا اعلان کر دیا گیا ہے۔
پاکستانی اسکواڈ کی قیادت محمد رضوان کریں گے جبکہ دیگر کھلاڑیوں میں ابرار احمد، بابر اعظم، حارث رؤف، جہانداد خان، محمد عباس آفریدی، محمد حسنین، محمد عرفان خان، عمیر بن یوسف، صائم ایوب، سلمان علی آغا، شاہین شاہ آفریدی، سفیان مقیم طیب طاہر اور عثمان خان شامل ہیں۔
