ویسٹ انڈیز ویمنز اے کرکٹ ٹیم ون ڈے اور سہ فریقی سیریز کھیلنے کے لئے پاکستان کے دورے پر لاہور پہنچ گئی ہے۔
مہمان ٹیم اپنے دورے کے دوران تین میچز پر مشتمل ون ڈے اور سہ فریقی سیریز کھیلے گی جس میں پاکستان اور ویسٹ انڈیز کے علاوہ تھائی لینڈ کی ایمرجنگ ٹیم بھی شامل ہوگی۔
ویسٹ انڈیز ویمنز اے ٹیم جمعرات سے نیشنل کرکٹ اکیڈمی لاہور میں ٹریننگ کا آغاز کرے گی جبکہ پاکستان کرکٹ بورڈ ( پی سی بی ) ٹریننگ اور پریکٹس کی تصاویر اور ویڈیو فراہم کرے گا۔
شیڈول کے مطابق پاکستان اور ویسٹ انڈیز کے درمیان پہلا ون ڈے 24 اکتوبر کو کھیلا جائے گا جبکہ دوسرا میچ 26 اکتوبر اور سیریز کا آخری اور تیسرا میچ 29 اکتوبر کو ہوگا۔
خیال رہے کہ دونوں ٹیموں کے درمیان ون ڈے سیریز کے تینوں میچز لاہور میں کھیلے جائیں گے۔
علاوہ ازیں سہ فریقی ٹی 20 سیریز کا آغاز 3 نومبر کو ہوگا اور پہلا میچ پاکستان اے اور ویسٹ انڈیز کے درمیان ہوگا۔
