پاکستان میں امریکی سفیر ڈونلڈبلوم نےکہا ہے امریکا اورپاکستان کےدرمیان شراکت داری کا دائرہ 2ارب ڈالرتک پھیلا ہوا ہے۔اسی شراکت داری کے تحت پاکستان میں انفراسٹرکچر کو بہتر بنانے اور اداروں کو مضبوط کرنے کیلئے کام کیا جا رہا ہے ، پاکستان ماحولیاتی تبدیلیوں سے کافی متاثر ہوا ہے اور امریکا اس سلسلے میں مدد فراہم کر رہا ہے ۔
پاکستان نیشنل کونسل آف آرٹس اسلام آباد میں میڈیا سے گفتگو کرتے ہوئے ڈونلڈ بلوم نے بتایا گذشتہ ہفتے فیصل آباد میں ایک پروگرام کا آغاز کیا گیا ہے جس کے تحت قابل تجدید توانائی ، آبی انتظام اور زرعی نظام میں جدت لانے کے لیےمعاونت فراہم کی جا رہی ہے۔ امریکا پاکستان میں مختلف منصوبوں کے ذریعے ترقیاتی کاموں میں اپنا کردار ادا کر رہا ہے ۔ ماحولیاتی تبدیلیوں کے منفی اثرات سےنمٹنے کیلئےبھی پاکستان کو معاونت فراہم کر رہے ہیں ۔
