بلوچستان اسمبلی کےحلقہ پی بی آٹھ سبی میں ضمنی انتخاب جاری ہیں،ایک سو چوبیس پولنگ اسٹیشنز پر ایک لاکھ سولہ ہزار سے زائد ووٹرز ووٹ کاسٹ کرینگے۔
پیپلزپارٹی کےایم پی اےسردارسرفراز ڈومکی کے انتقال پرخالی ہونے والی نشست پر آج ضمنی انتخاب جاری ہے،حلقے میں پیپلزپارٹی امیدوار سردارکوہیار ڈومکی اور آزاد میدوارمیر اصغر خان مری کے درمیان کانٹے کا مقابلہ متوقع ہے۔
ضمنی انتخاب میں ایک لاکھ سولہ ہزار سےزائد ووٹرز اپنا ووٹ کاسٹ کررہے ہیں،جن کے لیے ایک سو چوبیس پولنگ اسٹیشنز بنائے گئے ہیں،ضلعی انتظامیہ کے مطابق چونتیس پولنگ اسٹیشنز انتہائی حساس جبکہ نوے حساس ہیں ،جن کی سیکورٹی کےلیے پولیس اور ایف سی کے دستےتعینات کیے گئے ہیں،جبکہ پولنگ اسٹیشنز کی مانیٹرنگ سی سی ٹی وی کیمروں سے بھی کی جارہی ہے۔
