جیکب آباد کے کل ہونے والے بلدیاتی ضمنی انتخابات کیلئے تیاریاں مکمل کر لی گئیں ہیں اور پولنگ کا سامان بھی منتقل کر دیا گیاہے ۔
تفصیلات کے مطابق آر او آفس سے پولنگ اسٹیشنز کیلئے انتخابی سامان منتقل کردیا گیا، ریٹرننگ افسر نے کہا کہ ووٹنگ کیلئے 3 پولنگ اسٹیشنز قائم کیے گئے۔
وارڈ 6کے 3410 مجموعی ووٹرز میں 1817 مرد اور خواتین کے 1593 ووٹ شامل ہیں ۔ بلدیاتی ضمنی انتخابات میں پیپلز پارٹی، تحریک لبیک اور آزاد امیدوار کے درمیان مقابلہ ہوگا ۔ میونسپل کمیٹی وارڈ 6 کے کونسلر کے انتقال پر نشست خالی ہوئی تھی۔
