سعودی عرب کے شمالی علاقے الجوف نے اس ہفتے کے آغاز میں ہونے والی شدید بارشوں اور ژالہ باری کے بعد تاریخ میں پہلی بار برف کی سفید چادر اوڑھ لی ہے۔
عرب میڈیا رپورٹس کے مطابق الجوف میں رواں ہفتے کے آغاز میں شدید بارش اور ژالہ باری ناصرف برف باری ہونے کی وجہ بنی بلکہ اس نے خطے کی خشک وادیوں اور تپتے صحرا کو ایک نئی زندگی بھی دے دی ہے۔
View this post on Instagram
سعودی محکمہ موسمیات نے الجوف میں ہونے والی موسمیاتی تبدیلی کے پیشِ نظر خطے کے گرد و نواح میں طوفانی بارشوں کی وارننگ جاری کر دی ہے،بارش اور ژالہ باری کے ساتھ تیز ہواوں کا امکان ہے۔
اس خطے میں بہار کے موسم میں بمشکل صرف جنگلی پھول کھلتے تھے لیکن اب آنے والے چند مہینوں میں یہاں خوشبودار پودوں اور موسمی پھولوں کی افزائش بھی متوقع ہے۔
