انٹرنیشنل کرکٹ کونسل نے پاکستان اور انگلینڈ کے درمیان ٹیسٹ سیریز میں استعمال ہونے والی پچز کو تسلی بخش قرار دیدیا ہے ۔
کرکٹ ویب سائٹ کے مطابق پاکستان اور انگلینڈ کے درمیان ٹیسٹ میچز کی سیریز ملتان اور راولپنڈی میں کھیلی گئی ، آئی سی سی نے دونوں شہروں کی پچز کو تسلی بخش قرار دیدیا ہے ۔
رپورٹ میں کہا گیاہے کہ ملتان اور راولپنڈی ٹیسٹ میچز میں استعمال ہونے والی پچز بیٹرز اور باولرز کیلئے سازگار تھی ، دونوں پچز سے متعلق کسی قسم کی کوئی شکایت موصول نہیں ہوئی ۔
پاکستان اور انگلینڈ کے دو ٹیسٹ ملتان جبکہ ایک ٹیسٹ راولپنڈی میں کھیلاگیا۔ پاکستان نے ٹیسٹ سیریز ایک دو سے اپنے نام کی تھی۔
