ڈیرہ غازی خان میں وین اور ٹرک میں تصادم کے نتیجے میں تین خواتین سمیت 4 افراد جاں بحق جبکہ چھ خواتین زخمی ہوگئیں۔ لاشوں اور زخمیوں کو اسپتال منتقل کر دیا گیا۔ حادثہ کا شکار ہونے والی وین میں نجی اسکول کا اسٹاف سوار تھا۔
ریسکیو حکام کے مطابق حادثہ ڈیرہ غازی خان کے سخی سرور روڈ پر تونمی موڑ کے قریب پیش آیا جہاں ڈیرہ غازی خان سے سخی سرور جانے والی وین تیز رفتاری کے باعث اوورٹیک کرتے ہوئے مخالف سمت سے آنے والے ٹرک سے جا ٹکرائی۔
حادثہ میں تین خواتین سمیت 4 افراد جاں بحق ہوگئے جبکہ 6 خواتین زخمی ہوگئیں، حادثہ کی اطلاع ملتے ہی ریسکیو ٹیمیں نے امدادی کاروائیوں کے بعد لاشوں اور زخمیوں کو ٹیچنگ اسپتال منتقل کردیا جہاں ڈاکٹروں کے مطابق تین زخمیوں کی حالت بدستور تشویشناک بتائی جارہی ہے۔
