خیبرپختونخوا کے ضلع ملاکنڈ کی تحصیل بٹ خیلہ میں راستے کے تنازع پرمسلح تصادم کے نتیجے میں 5 افراد جان سے گئے جبکہ ایک شخص شدید زخمی ہوگئے۔
افسوس ناک واقعہ اس وقت پیش آیا جب دو فرقین راستے کے تنازعہ پر آمنے سامنے ہوئے۔ مسلح افراد نے دو طرفہ فائرنگ کی جس کے نتیجے میں پانچ افراد موقع پر جانبحق ہوگئے۔ راستے کا تنازع ایک سال سے چلا آرہا تھا۔
فائرنگ کے بعد مسلح افراد فرار ہوگئے جبکہ واقعہ کے بعد لیویز نے لاشیں اور زخمیوں کو ڈی ایچ کیو اسپتال بٹ خیلہ منتقل کردیا۔ لیویز نے علاقے کا محاصرہ کرلیا ہے۔
