پاکستان نے ہانگ کانگ سپر سکسز ٹورنامنٹ کے سیمی فائنل کیلئے کوالیفائی کرلیا۔
گرین شرٹس نے ہانگ کانگ سپر سکسز ٹورنامنٹ کے کوارٹر فائنل میچ میں جنوبی افریقا کے خلاف 17 رنز سے کامیابی سمیٹ کر ایونٹ کے ٹاپ فور مرحلے میں جگہ بنائی۔
کوارٹر فائنل میچ میں پہلے بیٹنگ کرتے ہوئے پاکستان نے مقررہ 6 اوورز میں 3 وکٹوں کے نقصان پر 105 رنز بنائے۔
پاکستان کی جانب سے محمد اخلاق نے 16 گیندوں پر 53 رنز کی شاندار اننگ کھیلی جبکہ حسین طلعت نے 11 گیندوں پر 27 سکور کیے۔
جواب میں جنوبی افریقا کی ٹیم 4 وکٹوں کے نقصان پر محض 88 رنز تک بناسکی۔
گرین شرٹس کی طرف سے حسین طلعت نے 2 کھلاڑیوں کو پویلین کی راہ دکھائی۔
یاد رہے کہ پاکسان نے جمعہ کو کھیلے گئے میچ میں بھارت کو شکست دے کر کوارٹر فائنل کیلئے کوالیفائی کیا تھا۔
دوسری جانب ایونٹ کا سیمی فائنل مرحلہ اور فائنل معرکہ اتوار کو کھیلا جائے گا۔
