لاہور میں اداکارہ نرگس کو شوہر کی جانب سے مبینہ تشدد کا نشانہ جانے کا انتہائی افسوسناک واقعہ سامنے آیا ہے جس پر شوہر انسپکٹر ماجد بشیر کیخلاف پولیس نے تشدد اور قتل کی دھمکیوں کا مقدمہ درج کر لیا ہے ۔
تفصیلات کے مطابق اداکارہ نرگس پر تشدد کا واقعہ ان کی ڈیفنس میں واقع رہائشگاہ پر پیش آیا ، اداکارہ کا الزام ہے کہ شوہر انسپکٹر ماجد بشیر نے سرکاری پستول کے بٹ مار کر تشدد کیا اور بالوں سے گھسیٹ کر جان سے مارنے کی دھمکیاں دیتا رہا ، متاثرہ اداکارہ کی مدعیت میں تھانہ ڈیفنس سی میں شوہر ماجد بشیر کے خلاف مقدمہ درج کرلیا گیا ہے ، ایف آئی آر کے متن کے مطابق نرگس کا الزام ہے کہ شوہر جائیداد زبردستی اپنے نام کروانا چاہتا ہے جس کے لیے تشدد کرتا ہے ، پولیس کا کہنا ہے کہ ملزم ماجد بشیر کے خلاف قانون کے مطابق کارروائی عمل میں لائی جارہی ہے ۔
