سپریم کورٹ کے سینئرترین جج جسٹس منصورعلی شاہ کو اے ڈی آر کمیٹی کا چیئرمین مقرر کردیاگیا۔
چیف جسٹس یحییٰ آفریدی نے تنازعات کے حل کی متبادل کمیٹی تشکیل دے دی۔ جسٹس عائشہ اے ملک اور جسٹس شاہدوحید کمیٹی کےارکان ہوں گے۔ نوٹیفکیشن جاری کردیا گیا۔
واضح رہے کہ سابق چیف جسٹس قاضی فائز عیسیٰ کی جانب سے اگست 2024 میں تنازعات کے متبادل حل کے لیے ٹاسک فورس کی ازسر نو تشکیل کی گئی تھی۔
لا اینڈ جسٹس کمیٹی نے 22 جولائی کو ایک نوٹیفکیشن جاری کیا تھا جس کے مطابق سپریم کورٹ کے سینیئر جج جسٹس منصور علی شاہ کی ٹاسک فورس کی رکنیت ختم کردی گئی تھی، اور جسٹس یحییٰ آفریدی کو کمیٹی کی سربراہی سونپی گئی تھی۔
اب نوتعینات چیف جسٹس یحییٰ آفریدی نے کمیٹی کی تشکیل نو کرتے ہوئے سپریم کورٹ کے سینیئر جج جسٹس منصور علی شاہ کو اے ڈی آر کمیٹی کا چیئرمین مقرر کردیا ہے۔
