پاکستان کرکٹ بورڈ نے دورہ آسٹریلیا ، زمبابوے اور جنوبی افریقہ کیلئے سپورٹ سٹاف کا اعلان کر دیاہے ۔
تفصیلات کے مطابق نوید اکرم چیمہ ٹیم مینجر ، جیسن گلیسپی دورہ آسٹریلیا کے لئے ہیڈ کوچ ، ٹم نیلسن دورہ آسٹریلیا میں ہائی پرفارمنس کوچ ہوں گے جبکہ اسسٹنٹ کوچ کی ذمہ داریاں اظہر محمود نبھائیں گے ۔
محمد مسرور فیلڈنگ کوچ، کلف ڈیکن فزیو، ڈریکس سائمن اسٹرینگتھ اینڈ کنڈیشنگ کوچ ہوں گے جبکہ محمد عمران دورہ آسٹریلیا میں مساجر ، زمبابوے اور جنوبی افریقہ میں سرجیو میولن مساجر ہونگے۔ سلیکٹر اسد شفیق تینوں دوروں پر ٹیم کے ساتھ ہونگے لیکن اسپورٹ اسٹاف میں شامل نہیں ہونگے۔
پاکستان اور آسٹریلیا کے درمیان پہلا ون ڈے 4 نومبر کو میلبرن میں کھیلا جائے گا۔
