خیبرپختونخوا کے ضلع کوہاٹ اور اورکزئی میں پولیو ٹیموں پر حملوں میں ایک پولیس اہلکار شہید ہوگیا جبکہ پولیس اورایف سی کی بروقت کارروائی میں 3 دہشت گرد ہلاک ہوگئے۔
تفصیلات کے مطابق اورکزئی میں نامعلوم مسلح افراد کے پولیو ٹیم پر حملے میں ٹیم کی سکیورٹی پر مامور ایک اہلکار شہید جبکہ ایک زخمی ہوگیا۔ زخمی پولیس اہلکار دوران علاج دم توڑ گیا۔ پولیس کے مطابق جوابی کارروائی میں 3 دہشت گرد ہلاک ہوگئے۔
پولیو ٹیم پر مامور پولیس اہلکاروں پر دہشت گردوں نے حملہ کردیا، پولیس نے کوئیک رسپانس سے حملہ ناکام بنا دیا، دہشت گردوں کی فائرنگ سے جانی نقصان نہیں ہوا۔ واقعہ تھانہ ملز ایریا کی حدود درے وال بانڈہ کے قریب پیش آیا۔
پولیس کی بروقت کارروائی سے حملہ آور موٹرسائیکل چھوڑ کر فرار ہوگئے، پولیس اور سی ٹی ڈی نے دہشت گردوں کی گرفتاری کےلیے سرچ آپریشن شروع کردیا۔
