سابق وزیراعظم اور مسلم لیگ (ن) کے صدر نواز شریف دبئی میں ایک روز قیام کے بعد لندن پہنچ گئے،ن لیگ کے کارکنوں نے پھولوں نچھاور کر استقبال کیا۔
مسلم لیگ ن کے صدر نوازشریف ایک سال بعد لندن ایون فیلڈ اپارٹمنٹ پہنچ گئے۔ ن لیگ کے کارکنوں کی بڑی تعداد نے پھولوں کی پتیاں نچھاور کر کے نوازشریف کا استقبال کیا۔ نوازشریف دو روز لندن میں قیام کے بعد امریکا روانہ ہوجائیں گے۔ نواز شریف چند دن امریکا میں قیام کے بعد واپس لندن آئیں گے۔
سابق وزیراعظم کی موجودگی میں تحریک انصاف اور مسلم لیگ (ن) کے کارکنوں کی ایک دوسرے کے خلاف نعرے بازی کی جب کہ حالات قابو میں رکھنے کے لئے لندن پولیس کی نفری بھی موجود رہی۔
واضح رہے کہ نواز شریف 25 اکتوبر کو غیر ملکی ایئرلائن کی پرواز ای کے 625 کے ذریعے دبئی روانہ ہوئے تھے، جہاں سے وہ لندن پہنچ کر اہم ملاقاتیں کریں گے۔29 اکتوبر کو لندن سے نواز شریف امریکا جائیں گے، جہاں وہ 4 روز رکنے کے بعد واپس لندن پہنچیں گے۔
