انسداد دہشتگردی عدالت اسلام آباد نے 4 اکتوبر کے احتجاج کے دوران توڑ پھوڑ کے کیس میں پی ٹی آئی کے دو ایم پی ایز اور خیبرپختونخوا کے سرکاری ملازمین کی ضمانتیں منظور کرلیں۔
اسلام آباد کی انسداد دہشت گردی عدالت کے جج ابوالحسنات ذوالقرنین نے چار اکتوبر کے احتجاج کے دوران توڑ پھوڑ کے کیس میں دو ایم پی ایز اور دیگر ملزمان کی درخواست ضمانتوں پر سماعت کی۔
پی ٹی آئی ایم پی ایز ملک لیاقت اور انور زیب کی درخواست ضمانت منظور کر لی گئی۔ اس کے علاوہ گرفتار کے پی پولیس ملازمین، ریسکیو ڈبل ون ڈبل ٹو کے ملازمین اور دیگر ملزمان کی بھی ضمانتیں منظور ہو گئیں۔ عدالت نے 20 ہزار روپے کے مچلکوں کے عوض ضمانتیں منظور کرتے ہوئے انہیں رہا کرنے کا حکم دیا۔
