پاکستان شاہینز نے ایمرجنگ ٹی 20 ایشیا کپ کے سیمی فائنل کے لئے کوالیفائی کرلیا۔
پاکستان شاہینز اور متحدہ عرب امارات ( یو اے ای ) کی ٹیمیں ایمرجنگ ایشیا کپ کے اہم میچ میں مدمقابل تھیں جہاں پاکستان نے پہلے بیٹنگ کرتے ہوئے مقررہ اوورز میں 4 وکٹوں کے نقصان پر 179 رنز بنائے۔
شاہینز کی جانب سے کپتان محمد حارث نے 49 گیندوں پر 71 رنز کی شاندار اننگ کھیلی جبکہ حیدر علی نے 17 گیندوں پر ناقابل شکست 32 رنز بنائے۔
جواب میں یو اے ای کی ٹیم 16.3 اوورز میں محض 65 رنز پر ڈھیر ہوگئی اور شاہینز نے 114 رنز سے کامیابی سمیٹ لی۔
پاکستان کی جانب سے شاہ نواز دھانی نے 12 رنز دے کر 5 شکار کیے اور پلیئر آف دی میچ قرار پائے۔
