قومی اسمبلی کے ایوان میں اپوزیشن کے بھی 4 ارکان پہنچ گئے۔
26 ویں آئینی ترمیم کی منظوری کے لئے اسپیکر قومی اسمبلی سردار ایاز صادق کی زیر صدارت قومی اسمبلی کا اجلاس جاری ہے جس میں اپوزیشن کے بھی 4 ارکان پہنچ گئے ہیں۔
اپوزیشن ممبرز ایوان میں حکومتی بینچوں پر براجمان ہیں جن میں عثمان علی ، مبارک زیب، ظہور قریشی اور اورنگزیب کھچی شامل ہیں۔
مسلم لیگ ق کے رکن چوہدری الیاس بھی ایوان میں پہنچ گئے ہیں۔
اپوزیشن کے مزید 4 ارکان حکومتی لابی میں بھی موجود ہیں جو ایوان میں نہیں آئے۔
ارکان میں پی ٹی آئی کے وائس چیئرمین شاہ محمود قریشی کے صاحبزادے زین قریشی، ریاض فتیانہ ، مقداد حسین اور اسلم گھمن شامل ہیں۔
