لاہور میں طیفی بٹ کے بہنوئی جاوید بٹ کے قتل کی تفتیش میں اہم پیش رفت ہوئی ہے ، مقتول کی اہلیہ نے جیل میں دونوں شوٹرز کو شناخت کرلیا ۔
تفصیلات کے مطابق پولیس نے ملزمان اظہر اور الیاس کو گرفتار کرکے شناخت پریڈ کیلئے جیل بھجوایا تھا ، مقتول کی اہلیہ ثمینہ جاوید نے جیل میں دونوں شوٹرز کو شناخت کرلیا ہے ، جاوید بٹ کی اہلیہ وقوعہ کے وقت ان کے ساتھ گاڑی میں موجود تھیں ۔ جاوید بٹ قتل کیس کی تفتیش جوائنٹ انویسٹی گیشن ٹیم کررہی ہے ۔جاوید بٹ قتل کیس میں مطلوب ملزم عارف ابھی گرفتار نہیں ہوا، پولیس کا کہنا ہے کہ مزید قانونی تقاضے پورے کیے جائیں گے ۔
