پاکستان کرکٹ ٹیم کے سابق کپتان بابر اعظم اور فاسٹ باؤلر شاہین آفریدی کی ٹیسٹ رینکنگ میں مزید تنزلی ہوگئی۔
انٹرنیشنل کرکٹ کونسل ( آئی سی سی ) کی جانب سے ٹیسٹ پلیئرز کی نئی رینکنگ جاری کردی گئی ہے جس کے مطابق انگلش بیٹر جو روٹ کی پہلی پوزیشن برقرار ہے جبکہ نیوزی لینڈ کے سابق کپتان کین ولیمسن دوسرے اور بھارتی کھلاڑی یشسوی جیسوال ترقی کے بعد تیسرے نمبر پر آگئے ہیں۔
نئی رینکنگ میں سابق کپتان بابر اعظم کی ایک درجہ تنزلی ہوئی جس کے بعد وہ 12 ویں نمبر پر چلے گئے ہیں۔
ٹیسٹ باؤلرز کی رینکنگ میں بھارتی باؤلر جسپریت بمرا کی پہلی پوزیشن برقرار ہے جبکہ شاہین آفریدی کی 4 درجہ تنزلی ہوئی جس کے بعد وہ 14 ویں پوزیشن پر چلے گئے ہیں۔
ٹیسٹ آل راؤنڈرز میں بھارتی کھلاڑی رویندرا جڈیجا پہلے نمبر پر براجمان ہیں۔
